શોકેસ / યામાહાએ બોબર લુક અને રેટ્રો થીમ સાથે 2020 Bolt ક્રૂઝર બાઇક શોકેસ કરી, જૂન મહિનામાં લોન્ચ થશે

બોબર લુક અને રેટ્રો થીમ સાથે 2020 Bolt ક્રૂઝર બાઇક

દિલ્હી. જાપાનની ઓટોમોબાઇલ કંપની યામાહાએ તેની નવી ક્રૂઝર બાઇક 2020 Bolt શોકેસ કરી છે. કંપનીની આ નવી બાઇક તેનાં જૂનાં મોડેલના પ્લેટફોર્મ પર જ તૈયાર કરવામાં આવી છે. કંપનીએ આ બાઇકને બોબર લુક સાથે રેટ્રો થીમથી સજાવી છે. જાણકારી અનુસાર, આ બાઇકને ઇન્ટરનેશનલ લેવલ પર જૂન મહિનામાં લોન્ચ કરવામાં આવશે.

બાઇકમાં નીચી સીટ મળશે

અત્યારે આ બાઇકને માત્ર શોકેસ જ કરાઈ છે. તેમાં કંપનીએ ટિયર ડ્રોપ ડિઝાઇનની ફ્યુલ ટેંક આપી છે. આ ઉપરાંત, તેમાં ઓછામાં ઓછા ગ્રાફિક્સનો ઉપયોગ કરવામાં આવ્યો છે, જે બાઇકને વધુ સારી બનાવે છે. તેની સીટને કંપનીએ ઓછામાં ઓછી ઊંચાઈ આપી છે. આ બાઇકની ઉંચાઈ માત્ર 690mm છે, જે રાઇડરને કમ્ફર્ટ રાઇડ સાથે જ બેલેન્સ્ડ ડ્રાઇવિંગ આપે છે.

ફીચર્સ

આ ઉપરાંત, નવી યામાહા 2020 Bolt બાઇકમાં કંપનીએ ફુલ્લી ડિજિટલ ઇન્સ્ટ્રુમેન્ટ ક્લસ્ટર, LED લાઇટિંગ અને રેટ્રો સ્ટાઇલનું ઇન્ડિકેટર આપ્યું છે. કંપની આ બાઇકને બે વેરિઅન્ટમાં લોન્ચ કરશે, જેમાં સ્ટાન્ડર્ડ અને R વેરિઅન્ટ સામેલ છે. તેના સ્ટાન્ડર્ડ વેરિઅન્ટમાં સ્પોક વ્હીલ અને R વેરિઅન્ટમાં એલોય વ્હીલ્સ આપવામાં આવ્યાં છે. આ ઉપરાંત, તેના સસ્પેન્શન પર ગોલ્ડ હાઇલાઇટ્સ પણ આપવામાં આવી છે, જે બાઇકને સ્પોર્ટી લુક આપે છે.

એન્જિન

આ બાઇકના એન્જિનમાં કોઈ ફેરફાર કરવામાં નથી આવ્યો. તેમાં પહેલાંની જેમ જ 942ccની કેપેસિટીનું V-twin એર કૂલ્ડ એન્જિનનો ઉપયોગ કરવામાંઆવ્યો છે, જે 53bhp પાવર અને 80Nm ટોર્ક જનરેટ કરે છે. તેમાં 5 સ્પીડ ગિયરબોક્સ સામેલ કરવામાં આવ્યું છે. પાવરફુલ એન્જિન સાથે ડ્યુઅલ ચેનલ એન્ટિ લોક બ્રેકિંગ સિસ્ટમ (ABS) આ બાઇકને ધારે સારી બનાવે છે. અત્યારે આ બાઇકને ઓવરસીઝ માર્કેટમાં જ રજૂ કરવામાં આવશે.